| နေပြည်တော်၊ အောက်တိုဘာ (၁၀) ရက် “၂၀၂၅ ခုနှစ် ကမ္ဘာ့မျက်မမြင်ပပျောက်ရေးနေ့” အထိမ်းအမှတ်အခမ်းအနားကို ယနေ့နံနက်ပိုင်း က နေပြည်တော်ရှိ ကျန်းမာရေးဝန်ကြီးဌာန (ရုံးအမှတ်-၄)၊ အစည်းအဝေးခန်းမ၌ ကျင်းပသည်။ |
|
 |
 |
| အခမ်းအနားသို့ ကျန်းမာရေးဝန်ကြီးဌာန ပြည်ထောင်စုဝန်ကြီး ပါမောက္ခ ဒေါက်တာ သက်ခိုင်ဝင်း၊ ဝန်ကြီးဌာနမှ တာဝန်ရှိသူများနှင့် မိတ်ဖက်အဖွဲ့အစည်းများမှ ကိုယ်စားလှယ်များ တက်ရောက်ကြသည်။ | |
 |
 |
| ဦးစွာ ပြည်ထောင်စုဝန်ကြီးက ကမ္ဘာ့ကျန်းမာရေးအဖွဲ့၏ ခန့်မှန်းဖော်ပြချက်အရ ကမ္ဘာပေါ်ရှိ လူဦးရေ တစ်ဘီလီယံခန့်သည် အမြင်အာရုံထိခိုက်မှု ခံစားနေကြရပြီး ၉၀ ရာခိုင်နှုန်းသည် ဖွံ့ဖြိုးဆဲနိုင်ငံများမှဖြစ်ကြောင်း၊ အမြင်အာရုံထိခိုက်မှု၏ ၈၀ ရာခိုင်နှုန်းသည် ကာကွယ်ကုသ နိုင်ကြောင်း၊ မြန်မာနိုင်ငံတွင် မျက်စိမမြင်ခြင်းကို ဖြစ်စေနိုင်သောရောဂါများအနေဖြင့် အတွင်းတိမ်ရောဂါ၊ မျက်မှန်လိုအပ်ခြင်း၊ ထိခိုက်ဒဏ်ရာရခြင်း၊ ရေတိမ်ရောဂါနှင့် ဆီးချို၊ သွေးတိုး ရောဂါတို့ကြောင့် ဖြစ်စေနိုင်ကြောင်း၊ မြန်မာနိုင်ငံတွင် မျက်ခမ်းစပ်ရောဂါကင်းဝေးစေကြောင်း (Trachoma Elimination in Myanmar)ကို ကမ္ဘာ့ကျန်းမာရေးအဖွဲ့က ၂၀၂၀ ပြည့်နှစ် စက်တင်ဘာလတွင် ကြေငြာပေးခဲ့ပြီးဖြစ်ကြောင်း၊ မျက်ခမ်းစပ်ကဲ့သို့ ကူးစက်နိုင်သော မျက်စိရောဂါများ လျော့နည်းသွားသော်လည်း ဆီးချို၊ သွေးတိုးရောဂါများ၏ နောက်ဆက်တွဲ မျက်စိရောဂါပြဿနာများ ဦးမော့မလာစေရေးအတွက် မကူးစက်နိုင်သောရောဂါများ ကာကွယ်ကုသရေးကို တိုးမြှင့်ဆောင်ရွက်လျက်ရှိသည့်အပြင် ကလေးငယ်များ မျက်စိကျန်းမာရေးအတွက် ကျောင်းကျန်းမာရေးလုပ်ငန်းစဉ်များတွင် မျက်စိ ကျန်းမာရေးစစ်ဆေးခြင်းကို ထည့်သွင်းဆောင်ရွက်လျက်ရှိကြောင်း၊ မြန်မာနိုင်ငံတွင် အဖြစ်အများဆုံး မျက်စိရောဂါဖြစ်သော အတွင်းတိမ်ရောဂါလျော့နည်းကျဆင်းစေရေးအတွက် အတွင်းတိမ်ခွဲစိတ်ခြင်းကို ဆေးရုံများ၌သာမက ကွင်းဆင်းကုသမှုအနေဖြင့် ကွင်းဆင်းအတွင်းတိမ်ခွဲစိတ်ခြင်း (Outreach Cataract Surgery)ကို ဆောင်ရွက်ပေးလျက်ရှိကြောင်း၊ ယခုနှစ် ကမ္ဘာ့မျက်မမြင်ပပျောက်ရေးနေ့ ဆောင်ပုဒ်သည် “Love Your Eyes” “အမြင်အာရုံ ကောင်းစေဖို့ အသိပညာမျှဝေလို့ မျက်စိကျန်းမာရေးအလေးပေးစို့” ဖြစ်ကြောင်း၊ မျက်စိကျန်းမာ ရေးဆိုင်ရာ ဗဟုသုတများရရှိလာစေရေးအတွက် အတွေ့အကြုံများကို မျှဝေပေးခြင်းဖြင့် လူတစ်ဦးချင်းစီတိုင်း အမြင်အာရုံကို ဦးစားပေးတန်ဖိုးထားတတ်ပြီး ပုံမှန်မျက်စိစစ်ဆေးခြင်း၊ ရောဂါရှာဖွေခြင်းများအား ပြုလုပ်လာစေရေး၊ မျက်စိကျန်းမာရေးစောင့်ရှောက်မှုလုပ်ငန်းများကို လူတိုင်းလက်လှမ်းမီစွာရရှိစေရေးအတွက် ဝိုင်းဝန်းပံ့ပိုးပေးကြရမည်ဖြစ်ကြောင်း ပြောကြားသည်။ | |
 |
 |
| ထို့နောက် ပြည်ထောင်စုဝန်ကြီးနှင့်အဖွဲ့သည် အထိမ်းအမှတ်ပြခန်းငယ်ကို လှည့်လည်ကြည့်ရှုပြီး မျက်စိကျန်းမာရေးစောင့်ရှောက်မှုပေးခြင်းနှင့် မျက်မှန်များထောက်ပံ့ပေးခြင်း အစီအစဉ်ဆောင်ရွက်နေမှု ကို ကြည့်ရှုအားပေးခဲ့သည်။ | |
 |
 |
၂၀၂၅ ခုနှစ်၊ ကမ္ဘာ့မျက်မမြင်ပပျောက်ရေးနေ့ အထိမ်းအမှတ်အခမ်းအနားကျင်းပ
in