အထူးကုဆေးရုံကြီး (ခုတင်-၅၀၀)၊ ရန်ကုန်မြို့၌ (၃၈) ကြိမ်မြောက်နှင့် (၃၉) ကြိမ်မြောက် အသည်းအစားထိုး ခွဲစိတ်ကုသမှု ခံယူသော အသည်းလူနာနှင့် အသည်းအလှူရှင်များအား ကြည့်ရှုအားပေး

ရန်ကုန်၊ ဒီဇင်ဘာလ (၂၉)ရက်

     ကျန်းမာရေးဝန်ကြီးဌာန၊ ပြည်ထောင်စုဝန်ကြီး ပါမောက္ခဒေါက်တာသက်ခိုင်ဝင်းသည် တာဝန်ရှိသူများနှင့်အတူ ဒီဇင်ဘာလ ၂၉ရက်နေ့၊ နံနက်ပိုင်းတွင် ခုတင်(၅၀၀)အထူးကု ဆေးရုံကြီး၊ ရန်ကုန်မြို့သို့ သွားရောက်၍ အောင်မြင်စွာ ဆောင်ရွက်ခဲ့သည့် အသည်းအစားထိုး ခွဲစိတ်ကုသမှုဆောင်ရွက်ခဲ့သော အသည်းလူနာနှင့် အသည်းအလှူရှင်(၄)ဦးတို့ကို ကြည့်ရှုစစ်ဆေး၍ အစားအသောက် လက်ဆောင်ခြင်းများ ချီးမြှင့်ပေးအပ်သည်။  

     အထူးကုဆေးရုံကြီး (ခုတင်-၅၀၀)၊ ရန်ကုန်မြို့၌ ဒီဇင်ဘာလ ၂၀ ရက်တွင် (၃၈)ကြိမ် မြောက် အသည်းအစားထိုးခွဲစိတ်ကုသမှုအဖြစ် ပြည်မြို့တွင်နေထိုင်သည့် အသက်(၄၉)နှစ်ရှိ အသည်းလူနာအမျိုးသားနှင့် အသက်(၃၉)နှစ်ရှိ အသည်းအလှူရှင် အမျိုးသမီး မောင်နှမဝမ်းကွဲ တို့ကိုလည်းကောင်း၊ ဒီဇင်ဘာ ၂၁ ရက်နေ့တွင် (၃၉)ကြိမ်မြောက် အသည်းအစားထိုးခွဲစိတ် ကုသမှုအဖြစ် ရန်ကုန်တိုင်းဒေသကြီး၊ တောင်ဥက္ကလာပမြို့နယ်တွင် နေထိုင်သူ အသက်(၅၈)နှစ်ရှိ အသည်းလူနာအမျိုးသမီးနှင့် အသက်(၂၅)နှစ်ရှိ အသည်းအလှူရှင် အမျိုးသား သားအမိတို့ကိုလည်းကောင်း အောင်မြင်စွာ ခွဲစိတ်ကုသနိုင်ခဲ့ပြီး အသည်းအလှူရှင်များနှင့် အသည်းလက်ခံသူလူနာများမှာ ကျန်းမာရေးတိုးတက်ကောင်းမွန်လျက်ရှိသည်။

     ထို့နောက် အသည်းအစားထိုးကုသမှုအောင်မြင်စွာဆောင်ရွက်နိုင်ရေးအတွက် ပါဝင်ခဲ့ကြ သည့် အသည်းအထူးကုဆရာဝန်ကြီးများ၊ သူနာပြုများ၊ အထောက်အကူပြုအဖွဲ့များအား ဂုဏ်ပြုချီးမြှင့်ငွေများ ပေးအပ်ခဲ့ပါသည်။