|
နေပြည်တော်၊ ဇူလိုင် ၁၂ ရက် ကျန်းမာရေးဝန်ကြီးဌာနမိသားစု ၂၀၂၅ခုနှစ်၊ မိုးရာသီငါးမျိုးစိုက်ထည့်ပွဲအခမ်းအနားကို (၁၂-၇-၂၀၂၅)ရက် ညနေပိုင်းတွင် နေပြည်တော်၊ ကျန်းမာရေးဝန်ကြီးဌာန၊ ရုံးအမှတ်(၄)၊ပရဝုဏ်တွင် ကျင်းပသည်။ အဆိုပါအခမ်းအနားသို့ ပြည်ထောင်စုဝန်ကြီးဒေါက်တာသက်ခိုင်ဝင်းနှင့်ဇနီး၊ ဒုတိယ ဝန်ကြီးဒေါက်တာအေးထွန်း၊ ညွှန်ကြားရေးမှူးချုပ်များနှင့်ဇနီးများ၊ ဒုတိယညွှန်ကြားရေးမှူး ချုပ်များနှင့် ဦးစီးဌာနများမှ အရာထမ်း၊ အမှုထမ်းများ တက်ရောက်သည်။ |
|
 |
 |
| အခမ်းအနားတွင် ပြည်ထောင်စုဝန်ကြီးနှင့်ဇနီးတို့က ငါးသားပေါက်များကို ဝန်ကြီး ဌာနရှိ လျှိုပိတ်ဆည်အတွင်းသို့ ဦးစွာစိုက်ထည့်ပေးပါသည်။ ဆက်လက်၍ ဒုတိယဝန်ကြီးက ငါးသားပေါက်များကို စိုက်ထည့်ပေးပြီးနောက် ဌာနဆိုင်ရာ အကြီးအကဲများနှင့် အရာထမ်း၊ အမှုထမ်း(၂၅၀)ဦးက ငါးလုပ်ငန်းဦးစီးဌာနမှ ပံ့ပိုးသော ငါးသားပေါက် (၂၀၀၀)ကို စိုက်ထည့်ပေးခဲ့ကြပါသည်။ | |
ကျန်းမာရေးဝန်ကြီးဌာနမိသားစု ၂၀၂၅ခုနှစ် မိုးရာသီငါးမျိုးစိုက်ထည့်ပွဲကျင်းပ
in